Цігараў Сяргей Васільевіч | Жодзінскі краязнаўчы музей

Мастакі

Цігараў Сяргей Васільевіч

Нарадзіўся 10 студзеня 1953 г. у Чалябінску (Расія). У 1954 г. пераехаў з бацькамі ў Жодзіна, дзе скончыў СШ № 4 у 1970 г. Займаецца ў студыі выяўленчага мастацтва пад кіраўніцтвам А. М. Казарэза, а таксама ў студыі А. А. Марачкіна. У 1975 г. скончыў Віцебскі дзяржаўны педагагічны
інстытут (мастацка-графічны факультэт), атрымаўшы спецыяльнасць мастак-педагог. Сярод выкладчыкаў былі І. М. Сталяроў і Ф. Ф. Гумен, А. М. Сухан, О. П. Арлоў. На працягу 40 гадоў займаўся педагагічнай дзейнасцю: кіраваў студыяй дзіцячай творчасці пры Палацы культуры БелАЗа (1977–1992 гг.), працаваў у жодзінскай СШ № 2. З 1991 па 2008 гг. – выкладчык архітэктурнага напрамку Жодзінскага прафесійнага ліцэя (з 2005 г. перайменаванага ў СШ № 8 з архітэктурна-мастацкім ухілам). У 2008 г. арганізаваў і на працягу дзевяці гадоў кіраваў студыяй «Крокі да творчасці» у ДУ «Цэнтр моладзі г. Жодзіна» (у 2016 г. прысвоена ганаровае званне «Узорная»). Удзельнік міжнародных, рэспубліканскіх, абласных і гарадскіх выставак з 1976 г. Творы знаходзяцца ў прыватных зборах Беларусі, Расіі, Аўстрыі, Балгарыі, Германіі, Канады, Францыі. Жыве ў Жодзіне.

Працуе ў жанрах пейзажа і нацюрморта, выкарыстоўваючы акварэльныя і алейныя тэхнікі. Творы адлюстроўваюць эмацыйны стан мастака ў момант стварэння, што надае ім дадатковую глыбіню і выразнасць.

2024 - Год качества