Віртуальная экскурсія па выставе "Чароўныя вобразы"
Традыцыйная выстава прац жодзінскіх аматараў вышыўкі пад назвай “Чароўныя вобразы” адчынілася ў маленькай зале перад Калядамі. Сапраўды, у адпаведнасці з назвай, яркая і рознакаляровая выстава можа зачараваць любога наведвальніка, бо творы зробленыя не толькі з заўважнай цеплынёй, але і тэхнічна, прафесійна, з густам. Падобная выстава ўжо праходзіла раней, але трэба адзначыць, што тэхніка выканання прац ускладняецца, а разнастайнасць сюжэтаў пашыраецца ўсё болей час ад часу.Выбраць найлепшыя працы, дамовіцца, каб аўтар падзяліўся на час выставы з гледачамі тымі карцінамі, якія ўжо паспелі заняць звыклае і пачэснае месца ў дамашнім інтэр’еры – складаная праца, якую ўсё ж такі паспяхова адолелі арганізатары выставы. А аўтараў гэтым разам 10 спадарынь, якія прынеслі на выставу ў такую маленечкую залу аж 52 працы! Ініцыятарам і дапаможнікам у арганізацыі выставы, як заўжды, стала Вера Лаўрэнцьеўна Кухарчук (Кліменкова).
Кожны твор на выставе мае своеасаблівую значнасць і трапіў у экспазіцыю не выпадкова, таму трэба пералічыць аўтараў паіменна:
Кліменкова Вера
Баброва Валянціна
Гіль Людміла
Люсікава Галіна
Бадунова Таццяна
Вострыкава Галіна
Гарбачова Ядвіга
Пятроўская Тамара
Маскаленка Зоя
Лютарэвіч Аксана
Прыгажосць вышытых карцін дапаўняюць святочныя куточкі з кукламі аўтарства Людмілы Іларыёнаўны Гіль. Цікавыя інтэр’ерныя куклы вырабленныя з немудрагелістых матэр’ялаў згрупіраваныя ў дзьве кампазіцыі, якія адлюстроўваюць суадносна беларускі і афрыканскі каларыт.
;)
Кліменкова В. "Мадонна в кресле";)
Баброва В. "Водопад";)
Гіль Л. Інтэр'ерная лялька. Газетная трубка;)
Гіль Л. "Інтэр'ерная лялька. Ільняны шпагат";)
Гіль Л. "Андреевская церковь";)
Люсікава Г. "Влюблённые";)
Бадунова Т. "Тигр";)
Вострыкава Г. "Мать и дитя";)
Гарбачова Я. "Пушистые друзья";)
Пятроўская Т. Трыпціх "Пластика тела";)
Лютарэвіч А. Дыпціх "Тихий дворик";)
Лютарэвіч А. "Сенокосная пора"Традыцыйныя выставы вышыўкі будуць адбывацца і надалей, таму запрашаем усіх майстроў гэтага напрамку мастацтва да супрацоўніцтва. Запісацца для ўдзелу ў выставе можна па нумары 6-63-68.
Навуковы супрацоўнік
Жодзінскага краязнаўчага музея
Віктар Аўчарэнка
Жодзінскага краязнаўчага музея
Віктар Аўчарэнка
